StadsWeb

Stad meer dan droag brôôd

Content

StadsWeb
Kwas van de weeke op bezoek bie mun zuster in de Plaete, in toen gieng hut zomar over vroegur. Die had nog un ouwd stikkie uut de krangte laage, un reimpie ovur brokken van Hangs de Ruuter. Tis dan wel Plaets mar kwil jeulle dit niet onthouwe.
opmaak
Witte brokken.

Kwas van de weeke op bezoek bie mun zuster in de Plaete, in toen gieng hut zomar over vroegur. Die had nog un ouwd stikkie uut de krangte laage, un reimpie ovur brokken van Hangs de Ruuter. Tis dan wel Plaets mar kwil jeulle dit niet onthouwe.

Dur stieng un stikje in de krangte 't gieng over witte brokken
As kind liep 'k voor zoo'n lekk're brok 't vier haest uut m'n sokken
D'r was toen op d'n Achterweg, 'n bewaerschool, ducht bie opoe.
dan gieng 'k êêrst bie opoe an en dan pas nae de school toe,
Dan kree'k altied zoo'n grôôten brok, dan kon je niet meer praete,
m'n kôônen waere dan zoo dik dà 'k praete wel kon laete.
Die brokken waere toch zoo hard, die kon je aok niet breke
in dat had Hangs de Ruuter dan bezongder goed bekeeke.
Wangt halve brokken gieng dus niet, je kreeg altied 'n hêêlen.
't voordêêl van die brokken was, dat je 'm niet kon dêêle,
Mar toen gieng 'n vriendinnetje 'n stuitje mee nae opoe
We kreege allebei 'n brok, in giengen zoo nae school toe.
Toen gieng 'k mit 'n stik of acht in opoe keek's even,
Ze zei; "dat haddek wel verwacht,'k zal juule wel wat geeve"
Ze hadde 'n haemer klaer geleid, in sloeg 'n brok in stikken,
we hadde toen niets angders meer, dan 'n scherfje om an te likken,
'k weet aok nog as 'k bie opoe was, in 'k had verwarde haeren.
dan zei ze: rêêd t 'r haer 's uut, dan za'k je brok bewaere,
die lieve opoe wist 't wel, wangt 'k had `n hôôd met krullen
die klitte gauw , en dat dee zêêr, dan zette 'n 'k 't op 'n brullen
Die witte brokken uut de Plaet wie ken die noe's maeke
Wangt bakkers binne d'r genog, laet ongs ze nog 's smaeke,
Die Hangs de Ruuter was 'n echte waarm en kouwe bakker
Hie hiew 't recept voor witte brokken geheim, want 't was 'n rakker
In daerom, bakkers van Flakkkee maek weer die witte brokken.
wangt, wat die Plaetse bakker kon, mot juule aok gelukke
mar houw dan weer 't recept geheim, wangt, 't binne Flakkeese brokken.
Dan wordt Flakkee niet bie Rijnmond mar Rijnmond bie Flakkee getrokke.

Allemeale mar weer de groete van Jan van 't hoekie